السّلام عليكم ورحمةالله تعالى وبركاته
اَلْحَمْدُ للهِ الَّذِى اَحَلَّ النِّكَاحَ وَحَرَّمَ السِّفَاحْ .
وَالصَّلاَةُ وَالسَّلاَمُ عَلى رَسُوْلِ للهْ . سَيِّدِنَا وَمَوْلاَنَا
مُحَمَّدِ بْنِ عَبْدِللهْ الذى لا نبي بعده . وَعَلَى الِهِ وَصَحْبِهِ وَمَنْ تَبِعَهُ اِلَى يَوْمِ
الْقِيَامَهْ . اَمَّابَعْدُ . سُبْحنَكَ لاَعِلْمَ لَنَا اِلاَّ مَاعَلَّمْتَنَا
اِنَّكَ اِنْتَ الْعَلِيْمُ الْحَكِيْمُ . وَقَالَ اللهُ تَعَالَى فى الْقُرْآنِ
الْكَرِيْمْ . وَهُوَ اَصْدَقُ الْقَائِلِيْنْ . اَعُوْذُ بِاللهِ مِنَ
الشَّيْطَانِ الرَّجِيْمْ . بِسْمِ اللهِ الرَّحْمنِ الرَّحِيْمِ . وَمِنْ ايتِهِ
اَنْ خَلَقَ لَكُمْ مِّنْ اَنْفُسِكُمْ اَزْوَاجَالِّتَسْكُنُوْآ
إِلَيْهَاوَجَعَلَ بَيْنَكُمْ مَّوَدَّةً وَّرَحْمَةً اِنَّ فِى ذلِكَ لأيتِ
لِّقَوْمٍ يَّتَفَكَّرُوْنَ . وَقَالَ النَّبِيُّ صَلّىَ اللهُ عَلَيْهِ وَسَلَّمْ
أنكاح سنتى فمن رغب عن سنتى فليس منى. لا اله الا الله لا موجود الا الله
لا اله الا الله لا مطلوب الا الله
لا اله الا الله لا مقصو د الا الله بسم الله توكلــنا على الله لا حـــــــــول
ولا قــوة الا باالله العلي العضــــــــــــــــــــيم
Puji anu jadi pangais ati, puja anu jadi panghias rasa, Puji
urang sanggakeun kagusti nu maha Suci nyatana Allah Robbul Izzati, Puja urang
sanggakeun kanu maha kawasa nyatana Allah Azza wazala, anu mana nitih wanci anu
mustari ninggang dina mangsa anu lugina taqdir teu tiasa di pungkir kadar teu
tiasa disinglar urang sadayana dina wengi ayeuna tiasa ruing pungpulung
patepung lawung paamprok jonghok patepang wajah dihaflah mubarokah dina raraga
Walimatul Arusy kersana kang……sinareng neng…..anu mudah-mudahan ieu
panganten dipasihan rahmat ku Allah SWT
Amin Yaa robbal alamin.
Peryogi kauninga kukersana shohibul hajat didieu
sumpingna simkuring kana ieu tempat sanes bade mupuri alas sesa kamari, sanes
bade ngiring papangantenan, tapi sumpigna simkuring kadieu teu aya sanes :
1.
Seja
nehonan panguleum shohibul hajat didieu dumeh didedelan ku hadits Rasul SWT :
إذا د عى أحد كم إلى الوليمه
فليأتيـــــها
“ Dimana-mana aranjeun diundang pikeun
Walimah maka aranjeun kudu nyumpingannana ” salagi dina eta Walimah teu aya
acara-acara kama’siatan sareng pabid’ahan.
2. Seja silaturrahmi, pedah dipiwarang kubaginda Rasul SWT :
من كان يؤ
من باا لله واليوم الاخر فليصل رحمه
“ Sing saha jalma anu iman ka Allah
Jeung kana poe akhir maka kudu daek silaturrahmi.
Teu hilap sholawat sinareng salam
mugia tetep salamina dikucurkeun dikocorkeun oge dikecerkeun kabaginda urang
sadayana anu pangnyongcolangna salaam marcapada yakni Habibana Wanabiyana
Muhammad SAW, oge kakulawargina kapara shohabatna, tabiin sareng tabiatna malah
mandar dugi kaurang sadaya salaku umatna anu mudah-mudahan urang sadayana ku Allah
sing dijadikeun, sing dicatetkeun dina hiji kasaean kin diyaumil Qiamah Amin
yaa robbal alamin.
Para Alim Ulama Asasul Islam الذ ي لم يذ كر ا سمه تعضيما وتكريما Anu kusimkuring dipihormat متعناالله بطول أمورهم ـ ونفعناالله بعلومهم Amin yaa
robbal Alamin. Anu
kusimkuring dipihormat
para aparatur pamarentahan minal Qoryah ila Roisuddaulah
Minibtidai Rt Ila Rw Wabitaawuzi Musfika kacamatan, Para aparat keamanan Wadaulah
Pendidikan Minal Bawahan Ilal Atasan anu sami-sami kusimkuring dipihormat, Oge
teu kakantun anu kusimkuring dipihormat kapara pemuda anu bergaya para pemudi
anu berkreasi anu ngajadi ujung tombak maju jeung mundurna Umat Islam dijaman
anu bakal datang anu mudah-mudahan dipasihan kakiatan jeung kaistiqomahan
kanggo memperjuangkeun jeung ngahirup-hirup Agama Islam, Amin .
Para Hadirin
Rohimakumullah.
Sateuacan ngabahas masalah anu aya
patula-patali, pakuat-pakait nepika pajeujeutna jeung masalah nikah simkuring
nyuhunkeun pangapunteun heula kasadayana terutami kabapa-bapa /ibu-ibu anu
parantos laki Rabi, terus terang simkuring bingung ieu teh, naon pangna
bingung, margi simkuring dipiwarang kanggo ngabahas pertikahan bari simkuringna
oge teuacan nikah, naon anu kedah dibahasna, tapi ieu mah urang sami-sami
rarampa manawi keuna, saur paripaos sepuhmah melak meureun dina ceunah anu
buahna susuganan kitu, leres....
Para Hadirin
Rohimakumullah.
Lamun nyarioskeun masalah nikah,
maka bakal erat hubungnan sinareng dauhan Allah anu tercantum dina Al-Qur’an
surat Arrum ayat 21 anu unggelna :
ô`ÏBur ÿ¾ÏmÏG»tƒ#uä ÷br& t,n=y{ /ä3s9 ô`ÏiB öNä3Å¡àÿRr& %[`ºurø—r& (#þqãZä3ó¡tFÏj9 $ygøŠs9Î) Ÿ@yèy_ur Nà6uZ÷t/ Zo¨Šuq¨B ºpyJômu‘ur 4 ¨bÎ) ’Îû y7Ï9ºsŒ ;M»tƒUy 5Qöqs)Ïj9 tbrã©3xÿtGtƒ ÇËÊÈ
Dina ieu ayat Allah masihan ciri
kaurang sadayana tentang tanda-tanda kaagungan Allah SWT,
Maka
kalintang pentingna urang mangkaji ayat Allah SWT baik yang tersurat atau yang
tersirat kanggo alat ngandeulan kayakinan urang kamanteuna, sakumaha disindir
ku Imam Ibrohim Al-Bajuri dina salasawios syiiranana anu dicarioskeun dina
kitab jauhar tauhid :
للعلم العلوى ثم السفلى í فنظر الى نفسك ثم انتقل
“ Pek tinggali diri aranjeun tuluy
pindah kaalam luhur kaalam handap eta ibadah ”
Upami dititenan kukurang, maka kacida
seueurna tentang tanda-tanda kaagungan Allah SWT, sahingga upami urang
nafakuranana moal cukup umur urang kanggo mendakan Hikmah dibalik ayat Allah
SWT.
Ayeuna urang sadayana, ulah waka
tebih-tebih ngemutan tentang Astronomi dunia luar angkasa, ayeunamah urang
sami-sami nafakuran tentang ayat Allah anu tertulis dina Al-Quran surat Arrum
ayat 21 tadi diluhur, rehna Allah nyiptakeun urang sadayana teh َاَزْوَاجا berpasang-pasangan Tegesnamah aya
langit aya bumi, aya beurang aya peuting, aya caang aya poek, aya jangkung aya
pendek, aya mancung aya pesek, nyakitu deui aya lalaki aya awewe, jadi
intinamah Allah nyiptakeun ka mahlukna teh berpasang-pasangan, bahkan jikalau
kita telaah organ tubuh urang oge naminateh dua-dua, anu pang handapna manina
teh ku-ku, luhureun kuku namina ping-ping tatangga pingping namina tit-tit,
naek deui kaluhur namina da-da, tatangga dada namina su-su, luhureun susu
namina tak-tak, naek deui kaluhur namina pi-pi tah ieu anu terakhir
namina…nong-nong, jadi atuh tetela pisan yen Allah nyiptakeun mahlukna teh
sajodo-sajodo, pasang-pasangan, dua-dua, nepika nami-namina, leres…
Naon atuh tujuanana Allah nyiptakeun
urang sadayana teh beut berpasang-pasangan, teu aya sanes لِّتَسْكُنُوْآ إِلَيْهَا supaya urang tentrem,
tentrem dina ibadah, tentrem dina neangan karunia Allah SWT, coba bayangkeun
kuurang lamun teamah ayeuna aya peuting tuluy teu aya beurang maka tatanan
hirup manusa moal maju sapertikeun ayeuna, sabalikna lamun beurang tuluy teu
aya peuting maka moal aya waktu pikeun urang istirahat, jadi atuh jelas pisan yen
Allah nyiptakeun urang sadayana teh pikeun لِّتَسْكُنُوْآ إِلَيْهَا .nykitu deui lamun teamah
aya lalaki tuluy teu aya awewe jigana moal aya domba anu parawan, sabalikna aya
awewe tuluy teu aya lalaki jigana anu pangpayuna tukang bonteng,
Lamun nyarioskeun masalah nikah minimalna bakal aya opat
pertarosan :
- Naon
ngaran nikah ?
- Saha
anu kudu nikah ?
- Kasaha
kudu nikah ?
- Naon
bae langkah-langkah saba’da nikah ?
Maka ieu
pangaosan kusimkuring dibagi jadi opat babak tidak bersambung.
Babak pertama
:Naon ngaran nikah teh
? waleranana, anu mana ngaran nikah teh mun ceuk bahasa santrimah Ta’rif nikah,
mun ceuk budak sakolamah Definisi nikah, Definisi ieu kabagi dua :
- Secara Etimolohi (
lughowi )
- Secara Terminologi (
istilah )
Para Hadirin Rohimakumullah.
Ngaran nikah ceuk lughowi tos
kauninga ku sadayana dina kitab-kitab fiqih nyaeta :
الاجتماع
Hartosna : “ Kadar-kadar kumpul ”
Ayeuna urang sadayana kumpul diieu
tempat, anu berangkat dibumina masing-masing bari diniatan dina manahna seja
Tholabul Ilmi anu kadituna hoyong meunagkeun Ridhona gusti Allah SWT ieu teh
nikah ngan ceuk seucara bahasa.
Ngaran nikah ceuk istilah, tos dicarioskeun dina kitab
fathul mu’in jilid katilu nyaeta :
عقد يتضمن ا باحة الوطء بلفظ انكاح او تزويج
“ nyaeta hiji aqad-aqadan anu
ngameunagkeun kana Ngawati kujalan make lapad nikah atanapi tazwij”.
Tapi saur pamuda mah nikah teh singkatan tina Nun, Kaf,
Ha. Nun ( nikmat ) Kaf ( karasa ) Ha ( haneut ),
jadi atuh nikah teh singkatan tina nikmat karasa haneut, ceuk saha....? ceuk
pamuda, tapi saur sepuhmah, Nun na teh Nikmat...kitu oge ceunah.....ceuk
Bapana budak, da buktina anu sing jarentul didieu oge hasil tina nikmatna
nikah, da niatnamah lain nyieun anak tapi nyieun enak, leres teu pa.....
Sakumaha ceuk Qo’idah :
لبس وقبلة وادخل
الذكر í نعمة دنيا ثلاثة فلتعتبر
“ Ni’mat dunya sadayana aya tilu “ nyabak nyium ngasupkeunnu
ngabentelu ”
Tapi ieu nikmat nikah teh ngan dua
rebo, kaditu namah deudeuieun, taroskeun kasibapa leres teu pa.....? saba’da ni’mat,
timbul anu kadua nyaeta Kaf ( karohah ) hartosna pikangewaeun,
pikaseubeleun, ninggali pamajikan resep soteh keur panganten anyar, ninggali
pamajikan teh jiga Maria Ozawa, jiga Sandra Dewi, jiga Luna Maya, tapi lamun
geus bereset budak tilu belasmah, komo lamun keur gendut ninggali pamajikan teh
jiga bunteulan hitut, keur panganten anyar, niggali pamajikan teh diteteup
dihareup sieup, disawang titukang lenjang, ditilik tigigir lenggik, tapi lamun
geus bereset budak tilu belas mah beda deui bahasana teh, niggali pamajikan teh
diteteup tihareup jiga keuyeup, disawang titukang jiga hurang,ditilik tigigir
jiga langgir, diukur tiluhur jiga undur-undur, diragap tihandap jiga hap-hap,
tah ieu anu disebut karohah teh tegesna
pikangewaen .
Salajeungna timbul anu katilu nyaeta
Ha ieu mah aya dua alternatif, lamun nyanghareupan Karohah....lulus,
maka Ha nateh ( Hasanah ), tegesna keluarga anu mawaddah
warrahmah tur sakinah, keluarga anu didadasaran kurasa cinta jeung kasih
sayang, tapi sabalikna lamun nyanghareupan karohahna teu lulus maka Ha
nateh ( Hazanah ), nyaeta
keluarga anu (awet rajet) keluarga anu
didadaran kurasa egois jeung emosi, mudah-mudahan ieu panganten sing kaleubeut
keluarga anu sakinah, mawaddah, warrahmah, Amin...
Babak anu kadua nyaeta : Saha anu
kudu nikah teh ? Waleranana nyaeta pidauh Rasulullah SAW :
يا معشر السباب من استطعتم منكم البائت
فااليتزوج
“ Wahai para pamuda sing saha jalma diantara maraneh
kabeh geus sanggup kana mere nafakah dhohir jeung batin pek geura nikah ”.
Dina ieu hadits Rasul ngahimbau ka para
pemuda anu geus memesuki masa puber mun ceuk bahasa indianamah beuger, etamah
rek sifery, sifrengky, sijaky kecuaki aki-aki, anu geus sanggup mere nafakah
dhohir jeung batin tegasnamah geus bisa maraban biwir anu luhur jeung biwir anu
handap ceuk rosul pek geura nikah. Atuh pamuda anu ngan saukur rambut gondrong,
kerjaan nongkrong, bujal bodong, hobi nampang tapi jajan ngutang, eta mah can
kaleubeut kana hadits Rasul anu bieu.
Babak katilu nyaeta : Kasaha kudu
nikah teh ? Walaranana nyaeta pidauh Allah dina
Al-Qur’an :
فانكحوا ماطاب لكم
“ kudu narikah maraneh kabeh ka awewe anu dipika cinta kumaraneh kabeh ”
Dina ieu ayat Allah marentah nikah
teh kanu dipika cinta lain kanu geulis, lamun Allah marentah nikah kudu kanu
geulis, maka awewe anu penteun 3,5 keur saha ? jeung lamun Allah marentah nikah
kudu kanu kasep simkuring saha layana ? tapi perlu kita garis bawahi, anu
dimaksud kugeulis didieu teh lain geulis ceuk simamat anu diukur kusyahwat,
tapi geulis mugguh Agama nyaeta anu Dan, Din, Dun, Dan (pinter dangdan),
Din (alus agama), Dun (alus dunyana), ulah anu Dat, Dit, Dut, Dat
( goreng adat ), Dit ( pedit ), Dut ( siga badut samutut bari jeung hitut ),
ngan eta anu Dan, Din, Dun teh langka pisan dijaman kiwarimah, tapi eweuh-eweuh
teuing mah teu kudu hese nu penting bageur, pinter, beunghar, jeun teuing
geulis oge, leres....
Babak anu terakhir nyaeta : Naon bae langkah- langkah saba’da nikah ? Waleranana nyaeta pidauh Allah dina Al-Qur’an :
وعاشروهن بالمعروف
“ Perlakukeun istri-istri maraneh kabeh kalawan hade ”
Tegesnamah salaki kudu bisa
memperlakukeun istrina kalawan alus, atuh salaki kudu apal kana hak jeung
kawajibanana, anu mana kawajibanana teh aya opat :
- Ngimahan sing pageuh
- Makean anu weuteuh
- Maraban sing nepika seubeuh
- Ngendongan sing nepika reuneuh.
Nyakitu deui istri sing apal kana hak jeung kawajibanana,
anu mana kawajibanana teh sami aya opat diantarana :1. Masak, 2. Diwedak, 3.
Nangkarak, 4. Ngadengkak, Tah Insya Allah upami duanana tiasa ngalaksanakeun
kana tugas jeung kawajibanana bakal terwujud keluarga anu mawaddah, warrohmah
tur sakinah, tegesna keluarga anu bahagia, keluarga anu didadasan kurasa cinta
jeung kasih sayang, cindek namah kacai jadi saleuwi, kadarat jadi salogak,
kacai daraek ngaji, kadarat daraek solat, seiya sekata, seiring sejalan, runtut
raut sauyunan dugika paketrok iteuk, bahkan dugika poe Qiamah.
Para Hadirin Rohimakumullah.
Supaya ieu dua mempelai
tetep renggenek dina sakinah mawadah warrohmah simkuring pesen :
1. Sing yakin ieu jodo teh takdir Allah SWT, dihin pinasti anyar pinaggih
tibarang Saratus Dua Puluh dinten anjeun aya dina patuangan Ibuحينى نفح الروح من ku Allah
parantos ditakdirkeun yen jodo kang.....bakal nikah kaNeng....sing yakin dina
hate supaya urang bisa tumarima kana papasten Allah.
2. Kudu Husnudhon ( hade sangka ka Allah ) bahwa ku jodo anu ieu urang bakal mangihan
kabagjaan hirup, ku jodo anu ieu urang bakal nyiun wasilah pikeun ngahontal
mardhotillah.
3. Ieu akad tikah teh sing jadi pertikahan anu pertama jeung anu terakhir
tegesnamah panungtungan masa pacaran, tikawit ayeuna anjeun duaan lebeut kana
alam ririmbitan, alam rumah tangga anu dibeungkeut ku STTB ( Surat Tanda Tamat Bobogohan
) saba’da nikah mah kudu bogoh yaan.
4. ku akad tikah Indung Bapa urang jadi nambahan tegesna Mitoha, Dulur,
lanceuk, Adi jeung anu liana.
5. ku akad tikah jadikeun sarana pikeun ibadah jeung ngabakti ka Allah SWT.
Para Hadirin Rahimakumullah.
Insya Allah uraian anu langkung
jelasna kin bade didugikeun ku kersana Guru urang sadayana, rupina cariosan
simkuring diceukapkeun sakieu mudah-mudahan aya manfaatna khususna kanggo
pribadi umumna kanggo sadayana, bilih aya cariosan anu pondok nyogok panjang
nyugak, anu pondok bisi jadi orok, anu panjang bisi jadi siujang, bilih aya
cariosan anu ngabentur kana tuur, ngabelentrang kana tarang nyuhunkeun dihapunteun,
sateuacan simkuring lungsur mangga ieu panganten urang do’akeun kusadayana,
tuturkeun cariosan simkuring....
اللهم أللف بيننا وبين أزواجنا كما ألفت بين
سيدنا ادم وحواء، وكما ألفت بين سيدنا إبراهيم وسرات، وكما ألفت بين سيدنا يوسف
وزلـيخى، وكما ألفت بين سيدنا محمد صلـــــى الله عليه وسلم وخديجة القبرى، ربنا
هبلنا من أزواجنا وذرياتنا قرة أعين وجعلنا للمتقـــــــــين إمـــامــــــــــــــــــــا
ربنا أتنا فى الدنيا حسنه وفى اللأخرة حسنه
وقنا عــــــذاب النار.
باالله توفيق والهدايه
والســــــلام عليكم ورحمة الله وبركاته.
0 komentar:
Posting Komentar